Ұтыс ойынын өткізудің мақсаты | «585 Золотой» брендіне деген адалдықты қалыптастыру және назар аударту, сатып алушылар сұранысын ынталандыру және Қазақстан Республикасы аумағында сатылым көлемін арттыру. |
Ұтыс ойынын өткізу мерзімдері | Байқау аясындағы әрбір оқиғаның басталу және аяқталу уақыты UTC +5 уақыт белдеуіне сәйкес айқындалады. |
Ұтыс ойынын өткізу мерзімдері | Басталу күні: Ұтыс ойындары апта сайын сәрсенбі күні Instagram әлеуметтік желісіндегі «585zolotoy_kz» аккаунтында сайттың парақшасында https://www.instagram.com/585zolotoy_kz/ |
Ұтыс ойынын өткізу мерзімдері | Аяқталу күні: әр апталық Ұтыс ойыны сейсенбі күні 23:59-да аяқталады. Осы Акцияның аяқталу күні: 2026 жылғы 31 желтоқсан. |
Ұтыс ойынын өткізу орны | Интернет желісінде орналасқан Instagram әлеуметтік желісіндегі «585zolotoy_kz» аккаунты, мына сілтеме бойынша: https://www.instagram.com/585zolotoy_kz/ (бұдан әрі – «Аккаунтта»). Ұтыс ойынын өткізу туралы ақпарат осы Қағидаларға сілтемесі бар жеке постты орналастыру арқылы Аккаунтта жарияланады |
Ұтыс ойынын ұйымдастырушы «585 Золотой» | «Артель 585» ЖШС, Қазақстан Республикасы, Алматы қ., Медеу ауданы, Достық даңғылы, 210А үй, 52-кеңсе, БСН 231240006481. |
Ұтыс ойынына Қатысушы | Осы Қағидаларға сәйкес келетін және Ұтыс ойынына қатысудың барлық шарттарын орындаған жеке тұлға |
Ұтыс ойынына қатысуды растау | Қатысушының Аккаунтта осы Қағидаларда белгіленген, оның Ұтыс ойынына қатысуға келісімін растайтын әрекеттерді жасауы. Ұтыс ойынына қатысу фактісі Қатысушының осы Қағидалармен танысқанын, Қағидалардың талаптарын толық әрі сөзсіз қабылдайтынын және олармен толық келісетінін білдіреді. |
Ұтыс ойынының шарттары туралы ақпаратты ұсыну тәртібі мен тәсілі | Ұтыс ойынының шарттары, оны өткізу қағидалары, тәртібі мен мерзімдері, сондай-ақ Ұтыс ойынын ұйымдастырушы туралы ақпарат Ұтыс ойыны өткізілетін кезеңде Ұйымдастырушының Интернет ақпараттық-телекоммуникациялық желісіндегі «585 Золотой» ресми сайтында: https://585zolotoy.kz/, сондай-ақ Instagram әлеуметтік желісіндегі «585zolotoy_kz» аккаунтында: https://www.instagram.com/585zolotoy_kz/ ақпарат орналастыруы арқылы хабарланады. Акцияны өткізуге байланысты сұрақтарды +7 771 944 41 89 телефоны бойынша қолдау қызметі арқылы да қоюға болады. Ұтыс ойынын ұйымдастырушы әлеуетті Қатысушыларды алдын ала хабардар етпей, Ұтыс ойынының шарттарын, өткізу тәртібін және ұзақтығын өзгерту құқығын өзіне қалдырады. |
Қатысушыларға қойылатын талаптар. Құқықтары мен міндеттері | Ұтыс ойынына Қазақстан Республикасының қолданыстағы заңнамасына сәйкес өз бетінше сатып алу жасауға құқылы және осы Ұтыс ойынының талаптарына сай келетін тұлғалар қатыса алады. Қатысушылар әрекетке қабілетті, 18 жасқа толған (немесе Қазақстан Республикасының заңнамасына сәйкес Ұтыс ойынына қатысу үшін қажетті жасқа жеткен) және Қазақстан Республикасының аумағында тұрақты тұратын азаматтар болуы тиіс. Ұтыс ойынына қатысу фактісі Қатысушының осы Қағидалармен танысқанын, оларды толық және сөзсіз қабылдайтынын және олармен толық келісетінін білдіреді. Қатысушының құқықтары: Ұтыс ойынын өткізу Қағидаларымен танысуға; Ұтыс ойынының нәтижелері туралы ақпаратпен танысуға; Ұтыс ойынына қатысуға, Ұтыс ойынына қатысудан бас тартуға немесе «585 Золотой»-да қолданылатын өзге де ұсыныстарды пайдалануға құқылы. Қатысушының міндеттері: Ұтыс ойынын өткізу Қағидаларын сақтауға; өзі туралы осы Қағидаларда көзделген көлемде және тәртіппен қажетті ақпаратты ұсынуға; Ұтыс ойынына қатысуға байланысты барлық шығыстарды (соның ішінде, бірақ онымен шектелмей, Интернет желісіне қол жеткізуге байланысты шығыстарды) дербес төлеуге; Аккаунтта Қазақстан Республикасының қолданыстағы заңнамасының талаптарын, Ұйымдастырушының және кез келген үшінші тұлғалардың құқықтары мен заңды мүдделерін бұзатын кез келген материалдарды (визуалдық, мәтіндік, графикалық, фотосуреттік, аудиовизуалдық және/немесе дыбыстық сипаттағы) жариялауға, орналастыруға немесе таратуға жол бермеуге міндетті. Қатысушы үшінші тұлғалардың кез келген құқықтарын бұзуға байланысты келтірілген залалдар үшін дербес және өз есебінен жауап береді. Ұйымдастырушының құқықтары: Қатысушылардан Ұтыс ойынын өткізу Қағидаларын сақтауды талап етуге; Қатысушының жасын және жеке басын куәландыратын, сондай-ақ Қатысушы ұсынған ақпараттың анықтығын растайтын құжаттарды тексеруге; Қатысушы Қағидаларды бұзған жағдайда, оны Ұтыс ойынына одан әрі қатыстырудан және Жүлдені беруден бас тартуға; Ұтыс ойынын ұзарту, мерзімінен бұрын тоқтату, сондай-ақ оның шарттарын өзгерту туралы шешім қабылдауға құқылы. Ұйымдастырушының міндеттері: Ұтыс ойынын өткізу Қағидаларын сақтауға; осы Қағидаларда көзделген Жүлдені алу талаптарының барлығын орындаған және Жеңімпаз деп танылған Қатысушыға Жүлдені осы Қағидаларға сәйкес беруге міндетті. Ұйымдастырушы Интернет желісіндегі, әлеуметтік желілер жұмысындағы іркілістер үшін, сондай-ақ олардың жұмыс істеуін қамтамасыз ететін ұйымдардың әрекеттері үшін жауапты болмайды. |
Ұтыс ойынына қатысу шарттары | Ұтыс ойынына қатысу үшін Қатысушылар Арнада келесі әрекеттерді орындауы тиіс: Интернет желісіндегі Instagram әлеуметтік желісінде https://www.instagram.com/585zolotoy_kz/ мекенжайы бойынша орналасқан «585zolotoy_kz» аккаунтына «Жазылу» батырмасын басу арқылы жазылу; Ұтыс ойынының бүкіл қолданылу мерзімі ішінде Аккаунтқа жазылған болып қалу. Егер Қатысушы Ұтыс ойыны қолданылатын кезең ішінде Аккаунттан жазылымнан шықса, Ұтыс ойынының шарттары орындалмаған болып есептеледі және мұндай Қатысушы Жеңімпаз деп таныла алмайды; Ұтыс ойыны өткізілетін кезеңде және Жеңімпаз Жүлдені алған сәтке дейін Қатысушының профилі хабарламалар қабылдау үшін ашық болуы тиіс. Профилі жабық, сондай-ақ Ұйымдастырушының оларға жеке хабарлама жіберу мүмкіндігі болмаған пайдаланушылар Ұтыс ойынына қатысуға жіберілмейді және Жүлдені алуға құқылы болмайды. Мұндай жағдай туындаған кезде Ұйымдастырушы өз қалауы бойынша Жеңімпазды қайта анықтауға немесе жүлдені талап етілмеген деп тануға құқылы; Қатысушының Instagram әлеуметтік желісіндегі профилі жеке профиль болуы тиіс (компаниялардың профильдерінің қатысуына жол берілмейді), сондай-ақ Ұйымдастырушының Жеңімпазбен байланыс орнатуы үшін ашық қолжетімді болуы қажет; Егер Қатысушының Instagram әлеуметтік желісінде жеке профилі болмаса, онда Ұтыс ойынына қатысу үшін Instagram әлеуметтік желісінің нұсқаулықтарына сәйкес тіркеуден өту қажет; Егер Жеңімпаз деп танылған Қатысушының Ұтыс ойынына қатысу үшін Қазақстан Республикасының заңнамасына сәйкес қажетті жасқа толмағаны анықталса, не Қатысушы осы Қағидалардың талаптарын орындамаса, не Қатысушы Жеңімпаз деп жарияланғаннан кейін 10 (он) жұмыс күні ішінде Ұйымдастырушымен байланысқа шықпаса (осы Қағидаларда белгіленген тәртіппен), мұндай Қатысушы Жүлдені алу құқығынан айырылады; Осы Қағидаларда көзделмеген барлық мәселелер бойынша Ұйымдастырушы мен Ұтыс ойынына Қатысушылар Қазақстан Республикасының қолданыстағы заңнамасын басшылыққа алады. |
Жүлде қоры | Жүлде қоры 31 (отыз бір) Жеңімпазға арналған номиналы 100 000 (жүз мың) теңге болатын 31 (отыз бір) электрондық сыйлық сертификатынан (ЭСС) тұрады. ЭСС пайдалану шарттарымен 585 Золотой сайты арқылы мына мекенжайда танысуға болады: https://585zolotoy.kz/; ЭСС Жеңімпаздың электрондық поштасына хат арқылы немесе Instagram желісіндегі директіне жіберіледі; ЭСС қолданылу мерзімі сертификаттың өзінде көрсетіледі; Жүлде қоры Ұйымдастырушының шешімі бойынша өзгертілуі мүмкін; Жүлде құнының ақшалай баламасы, оның ішінде Жеңімпаз Жүлдені алудан бас тартқан немесе оны алу мүмкін болмаған жағдайда, төленбейді; Жүлделер айырбастауға жатпайды. |
Жеңімпазды айқындау тәртібі | Конкурсты Ұйымдастырушы осы Қағидаларда белгіленген Ұтыс ойынының барлық талаптарын орындаған Қатысушылар арасынан Жеңімпазды айқындайды; Жеңімпазды айқындауға Ұйымдастырушы Аккаунтының жаңа да, қолданыстағы да (бұрыннан жазылған) жазылушылары осы Қағидалардың барлық талаптарын сақтаған жағдайда жіберіледі. Жеңімпазды таңдау сәтінде Қатысушы Ұйымдастырушы Аккаунтының жазылушысы болуы тиіс; Жеңімпазды таңдау Конкурс талаптарына сәйкес келетін барлық Қатысушылар арасында Getwinner сервисін (рандомайзерді) пайдалану арқылы кездейсоқ тәсілмен жүзеге асырылады; Жеңімпазды таңдау нәтижелері Ұйымдастырушының Аккаунтында Жеңімпаздың аты-жөнін (Instagram әлеуметтік желісіндегі никнеймін) көрсете отырып жарияланады; Бір Қатысушы Конкурс өткізілетін бүкіл кезең ішінде Жүлдені тек бір рет қана ала алады. Егер кезекті таңдау нәтижесінде бұрын осы Конкурстың Жеңімпазы деп танылған Қатысушы қайтадан анықталса, мұндай Қатысушы тиісті Жүлдені ұтып алу рәсімінен шығарылады, ал Ұйымдастырушы жаңа бірегей Жеңімпаз анықталғанға дейін Getwinner сервисін пайдаланып қайта таңдау жүргізеді; Жеңімпаз осы Қағидаларға сәйкес Жүлдені алуға құқылы. |
Жеңімпазға Жүлдені беру тәртібі | Ұйымдастырушы «585zolotoy_kz» аккаунтында айқындаған Жеңімпазға Жүлдені беру тәртібі: Ұтыс ойынының қорытындылары жарияланған күннен бастап 10 (он) жұмыс күні ішінде (яғни Ұтыс ойыны жарияланған пост астында Жеңімпаз белгіленген пікір жарияланған сәттен бастап) Жеңімпаз Instagram директі арқылы Ұйымдастырушымен байланысуға және Жүлдені алу үшін қажетті деректерді арнайы нысанды толтыру арқылы ұсынуға міндетті. Кері жағдайда Жеңімпаз Жүлдені алу құқығынан айырылады; Көрсетілген нысан толтырылғаннан кейін 14 (он төрт) жұмыс күні ішінде Ұйымдастырушы нысанда Жеңімпаз көрсеткен электрондық пошта мекенжайына акт жібереді; 7 (жеті) жұмыс күні ішінде Жеңімпаз қабылдау-тапсыру актісін толтырып, онда қажетті дербес деректерді (тегі, аты, әкесінің аты, жеке куәлік немесе паспорт деректері) көрсетіп, жауап хатпен Ұйымдастырушыға жолдайды; Электрондық сыйлық сертификатын Ұйымдастырушы Жеңімпаздан сұратылған деректерді алған күннен бастап 30 (отыз) жұмыс күні ішінде (жоғарыда сипатталған тәртіппен) электрондық пошта арқылы жібереді. |
Талап етілмеген Жүлдені сақтау тәртібі және Жүлдені алу мерзімінің өтуі | Ұйымдастырушы Жүлделерді Ұтыс ойынының қорытындылары шығарылып, Жеңімпаз жарияланған күннен бастап 1 (бір) ай бойы сақтайды. Көрсетілген мерзім өткеннен кейін Жүлде талап етілмеген деп есептеледі және Ұйымдастырушы оны осы Қағидаларға және Қазақстан Республикасының қолданыстағы заңнамасына сәйкес өз қалауы бойынша пайдалана алады. Ұйымдастырушы талап етілмеген Жүлделер бойынша қосымша ұтыс ойынын өткізуге құқылы. |
Дербес деректерді пайдалану тәртібі | Қатысушы Акцияны өткізу және оған қатысу мақсатында Ұйымдастырушы Қатысушының келесі дербес деректерін өңдейтінін түсінеді және соған келісім береді: электрондық пошта мекенжайы (e-mail), тегі, аты, әкесінің аты, туған күні, байланыс телефонының нөмірі. Дербес деректерді өңдеудің мақсаты — Акцияны өткізу, осы Қағидаларға және Қазақстан Республикасының қолданыстағы заңнамасына сәйкес хабарламалар жіберу. Ұйымдастырушы Қатысушылардың дербес деректері тек қана Акцияны Ұйымдастырушының өзі немесе Акцияны өткізуге байланысты құпия ақпаратты жария етпеу туралы келісімдер негізінде әрекет ететін уәкілетті тұлғалар арқылы пайдаланылатынына және Акцияны өткізуге қатысы жоқ мақсаттар үшін өзге үшінші тұлғаларға берілмейтініне кепілдік береді. |